தனுஷ்கோடி உண்டாகி 25 வருடங்கள் ஆனதை கொண்டாடுற வகையில 1933ல ஒரு தூணை  நட்டாங்க அந்த தூணை பற்றி தெரியுமா? இந்த தூண் தனுஷ்கோடி பழைய சர்ச்ல இருந்து ஒரு 100 அடி தூரத்துலயே இருக்குது. அந்த தூண்ல எதாவது எழுதிருக்கான்னு பார்த்தப்ப தூணோட அடிப்பகுதியில ஒரு கல்வெட்டு இருந்தது. அந்த கல்வெட்டுல மே 6, 1933ல அப்போதைய பஞ்சாயத்து தலைவர் ஜனாப் கோன் மீரா சாஹிப் பகதூர் தலைமையில் தனுஷ்கோடி உண்டாகி 25 வருடங்கள் ஆனதை நினைவூட்டும் வகையில் இந்த தூண் நடப்பட்டிருக்கு. இந்த கல்வெட்டுல இருந்து தனுஷ்கோடி உண்டாக்கப்பட்ட ஆண்டு 1908ன்றது தெரிய வருது. 1908ல ஆங்கிலேயர்களால் உண்டாக்கப்பட்ட தனுஷ்கோடி என்னும் பெரும் நகரம் 1964ல ஏற்பட்ட புயலால் முழுவதுமாக அழிஞ்சுடுச்சு எஞ்சி இருக்குற இந்த தூணும், இடிந்த கட்டிடமும் தனுஷ்கோடியோட அடையாளத்தை இன்னமும் தாங்கி நிக்குது. தனுஷ்கோடியில் கிடைத்த கல்வெட்டுல இது 2வது கல்வெட்டு. முதல் கல்வெட்டு வணிக குழுவை குறிக்கும் கல்வெட்டு அந்த கல்வெட்டு எந்த இடத்துல மண்ணுக்குள் புதைஞ்சியிருக்குன்னு தெரியல. நீங்க தனுஷ்கோடி போன மறக்காம இந்த தூணை பார்த்துட்டு வாங்க.