இந்தியாவில் உள்ள 12 ஜோதி லிங்க தலங்கள்ல முக்கியமான கோவிலா கருதப்படுவது தமிழ் நாட்டுல ராமேஸ்வரத்துல உள்ள ராமநாத சுவாமி கோவில். சம்பந்தர், அப்பரால் பாடல் பெற்ற கோவில்தான் இந்த கோவில். தேவாரம் பாடல் பெற்ற பாண்டிய நாட்டு  தலங்கள்ல முக்கியமான கோவில்தான் ராமநாத சுவாமி கோவில்.

இந்த கோவில்ல அக்னி தீர்த்தத்தையும் சேர்த்து 23 தீர்த்தங்கள் இருக்குது. புராணங்கள் படி ராமர் ராவணனை வதம் செய்ததால் ஏற்பட்ட பிரம்மஹத்தி தோஷம் ஏற்படாமல் இருக்க மணலாலன லிங்கத்தை பிரதிஷ்டை செய்து வணங்கியதால் இங்குள்ள சிவனை ராமநாத சுவாமின்னும் இந்த ஊர் ராம ஈஸ்வரம்ன்னு ஆனதா நம்பப்படுது. இந்த கோவில் நான்கு பெரிய மதில்களால் சூழப்பட்டுள்ளது.

கிழக்கிலிருந்து மேற்கா 865 அடியும் வடக்கிலிருந்து தெற்கா 657 அடியும், கிழக்கு நோக்கியும் மேற்கு நோக்கியும் இரண்டு பெரிய கோபுரங்களோடு கட்டமைக்கப்  பட்டிருக்கு.  மிகப்பெரிய பிரகாரம் கொண்டதா இந்த கோவில் இருக்குது. மொத்த பிரகாரத்தோட நீளம் 3850 அடி, வெளிபிரகாரத்தில மட்டும் 1200 தூண்கள் இருக்குது. பாண்டிய மன்னர்கள் காலத்தில் கட்டப்பட்ட இந்த கோவில் விஜயநகர மற்றும் சேதுபதி மன்னர்கள் நிறைய திருப்பணிகள் செய்துருக்காங்க.