ராமர் பாலம் பல பேருக்கு புரியாத ஒரு மர்மம்ன்னு சொல்லலாம் ஆங்கிலேயர்கள் இந்த பாலத்தை ஆதாம் பாலம்ன்னு சொன்னாங்க. இந்த பாலம் தமிழ்நாட்டுல ராமேஸ்வரத்துல அரிச்சல் முனையில் தொடங்கி இலங்கையில் உள்ள தலைமன்னார் வரைக்கும் நீண்டு இருக்குது. இப்ப இந்த பாலத்துல மொத்தம் 13 மண்திட்டுக்கள் இருக்குது.

இதுல 6 பெரிய மண் திட்டுகள் இந்தியாவுக்கும் 7 பெரிய மண் திட்டுகள் இலங்கைக்கும் சொந்தமானதா இருக்குது. இந்த மண்திட்டுக்கள் உள்ள இடங்களில் கடலோட ஆழம் குறைவாகவும் நீரோட்டம் அடிக்கடி மாறிட்டும் இருக்கும். இந்த மண்திட்டுக்களும் ஆழம் குறைவான இடங்களும் இந்தியாவுக்கும் இலங்கைக்கும் ஒரு பாதை இருந்ததுக்கு ஆதாரமாகவும் இருக்குது.

பொதுவாக ராமேஸ்வரமே ஒரு விசித்தரமான நிலப்பரப்புதான், 1480க்கு முன்னால வரைக்கும் தமிழ்நாட்டு நிலப்பரப்போட ராமேஸ்வரம் சேர்ந்துதான் இருந்தது. அதுக்கு முன்னால பாம்பனுக்கும் மண்டபத்துக்கு இடையில் கடல் கிடையாது. 1480ல ஏற்பட்ட புயல் வெள்ளத்தால் கடல் புகுந்து ராமேஸ்வரம் தீவாக மாறியது. இந்த நிகழ்வை போல ராமர் பாலத்தையும்  கடல் மூழ்கடித்து இருக்கலாம்.