இந்தியாவோட தென்கிழக்கு எல்லை எங்க இருக்குதுன்னு தெரியுமா?? நம்ம தமிழ்நாட்டுலதான் இருக்குதுங்க. இந்திய மக்கள் அனைவரும் மதிக்கும் இடமாகவும், வணங்கும் இடமாகவும் அந்த இடம் இருக்குது. அந்த இடத்தோட பெயர்தான் ராமநாதபுரம் மாவட்டத்தில் ராமேஸ்வரம் தீவில் உள்ள அரிச்சல் முனை. இந்த அரிச்சல் முனையில் இருந்து தொலை நோக்கி வழியாக பார்த்தால்  இலங்கையில் உள்ள காற்றாலை தெரியும். இந்த இடத்துல கடலோட நீரோட்டம் அடிக்கடி மாறிட்டே இருக்கும். இரண்டு கடல் சங்கமிக்கும் இடமா இருக்குறதால அடிக்கடி மண்ணரிப்பு ஏற்பட்டு நிலம், நீரோட்டத்தின் தன்மை மாறிட்டே இருக்கும். அதனால இந்த இடத்தை அரிச்சல் முனைன்னு சொல்லுவாங்க. அரிச்சல் முனைக்கும் இலங்கைக்கும் இடையில் ராமர் பாலம் இருக்குறதா நம்பப்படுது. இந்த பாலத்துல இப்ப மொத்தம் 13 மண் திட்டுக்கள் இந்தியாவையும் இலங்கையையும் இணைக்குது. இந்த பாலத்தை பற்றியும் மண்திட்டுக்களை பற்றியும் அடுத்த பதிவில் பார்க்கலாம்